Business
Enillydd elfen Mentro, Llwyddo’n Lleol yn lansio ei fusnes
ARFOR – Llwyddo’n Lleol 2050
Elfen ‘Mentro’ – Lansiad Cwmni Pen Wiwar
Ar ôl derbyn cefnogaeth ariannol o £2000 a mynychu 10 wythnos o sesiynau hyfforddiant busnes drwy brosiect Llwyddo’n Lleol, mae Daniel Grant yn lansio ei gwmni dillad cynaliadwy, Pen Wiwar.
Fe ymgeisiodd Daniel Grant o Felinheli am gefnogaeth drwy elfen Mentro, Llwyddo’n Lleol, gyda’r nod o ddatblygu ei sgiliau byd busnes a chael cymorth i sefydlu cwmni dillad cynaliadwy yng Ngwynedd.
Mae gwaith Daniel wedi’i ysbrydoli gan natur a’r awyr agored yng ngogledd Cymru ac adlewyrchir hynny yn enw’r cwmni, Pen Wiwar.
Drwy gefnogaeth elfen Mentro, Llwyddo’n Lleol, fe gafodd Daniel y cyfle i fynychu 10 sesiwn wythnosol gydag arbenigwyr busnes a chyfle i ennill cefnogaeth ariannol i symud Pen Wiwar o fod yn egin syniad i fusnes.
![](https://cdn.thefoxposts.com/vimedia/2024/04/18/6c5fa2de8a3abb0824d4f33b1e6934ca.webp)
Ar ôl 10 wythnos o wrando, trafod a dysgu, fe gynhaliwyd noson Taro’r Nodyn, lle’r oedd y 12 unigolyn o ogledd-orllewin Cymru, a oedd yn rhan o’r cynllun, yn cael cyfle i gyflwyno eu syniadau busnes arloesol i banel o feirniaid.
Daniel ddaeth i’r brig a chipio’r wobr y noson honno, gan dderbyn £1000 yn ychwanegol i ddatblygu ei fusnes.
Dywedodd Daniel: “Mi oeddwn i’n ddigon ffodus i ennill y £1000 ychwanegol ar ôl bod ar y rhaglen deg wythnos lle dysgon ni rywbeth gwahanol bob wythnos.
“Roedd ennill y wobr yn meddwl lot i fi, ac yn golygu ‘mod i’n gallu mynd ‘mlaen i gychwyn y busnes tipyn yn gynt nag y buaswn i fel arall.
“Mae gweithio efo artistiaid lleol i greu dillad cŵl ac unigryw wedi bod yn freuddwyd gena i, ac mae Llwyddo’n Lleol wedi fy helpu i wireddu’r freuddwyd honno.”
![](https://cdn.thefoxposts.com/vimedia/2024/04/18/25898a4006c822f569e792498d6f0ee2.webp)
Ychwanegodd Daniel: “Mi wnaeth bod yn rhan o’r elfen Mentro, Llwyddo’n Lleol roi nodau a thargedau i mi yn wythnosol i gychwyn y busnes. Ar unwaith, roedd yna deimlad mawr o ‘accountability’ ac mi wnaeth hyn fy helpu i wneud yn siŵr bod y syniad yn troi’n fusnes.
“Mae dysgu gan bobl brofiadol ac arbenigwyr yn y maes yn gyfle unigryw iawn sy’n brofiad amhrisiadwy ar gyfer individual ifanc sy’n dechrau allan mewn byd busnes.”
Mae Daniel yn awr yn barod i roi’r hyn y mae wedi’i ddysgu ar waith, a chymryd y cam mawr o lansio ei fusnes, Pen Wiwar, yn swyddogol.
Dywedodd Aled, swyddog yr elfen Mentro, Llwyddo’n Lleol: “Mae’n wych gweld bod Daniel wedi elwa o’r profiad o fod yn rhan o’r rhaglen, gan roi’r hyn y mae wedi’i ddysgu ar waith.
“Rydym yn falch iawn o weld bod y prosiect yn llwyddo i gwrdd â’i amcanion gan roi unigolion ifanc ARFOR ar ben ffordd i ddechrau busnesau arloesol yn ARFOR.”
I gael cip olwg ar ddyluniadau unigryw Pen Wiwar, ewch draw i wefan newydd sbon y cwmni am 7yh heno, penwiwar.com
Bydd hefyd gyfle i chi brynu dillad Pen Wiwar ar ei stondin yng Ngŵyl Fwyd Caernarfon ym mis Mai.
I ddysgu rhagor am y cyfleoedd sydd ar gael drwy brosiect Llwyddo’n Lleol, ewch i: https://llwyddonlleol2050.cymru/
-
Business22h ago
Steak is off the menu for Argentinians as the country’s austerity policies bite
-
Business1d ago
3rd Annual BBEC Celebrates Black Business Excellence in the UK
-
Business1d ago
Rhode Island Weather for July 25, 2024 – Jack Donnelly
-
Business1d ago
Ocean State Job Lot News: Buy-Give-Get backpacks. New work center. New store. Jobs.
-
Business1d ago
Carmarthen Mill celebrates 50 years
-
Business1d ago
Asda shares vital reminder to households to assist them price range over the college holidays
-
Business1d ago
A Big Solar Company May Be Collapsing
-
Business1d ago
How to Avoid Being Among the 80% of Founders Who Never Sell Their Business